Gaur egonen da zabalik lehenengoz Kultur Biltegia mikrokooperatibak hartu duenetik. Bihartik aurrera, kooperatibaren izenari men eginez, kultur ekitaldiekin hasiko dira.
Lehenengo ekitaldia "Maldita, a love song to Sarajevo" pelikularen proiekzioa izanen da. Kanaki filmsen eta Medicus Mundiren dokumental laburra da eta Goya sari bat irabazi zuen. Sarajevon, gerra ondoren, sexu- eta genero-aniztasunarekiko atzerakoia den gizartean, Bozo gai izango da hirugarren zubi bat eraikitzeko.
Gainera, igandean, Mendialdeko Azoka Ibiltaria izanen da Latasan. Horregatik, biltegian, menu berezia eskainiko dute. Erreserbak egiteko telefonoa: 948 39 16 73.