Umeendako tailerrak eginen dituzte Imotzen uztaila bukaeran eta abuztu hasieran

Etxalekuko Ainhoa Sanchez artistak umeendako tailerrak antolatu ditu uztailaren 26tik 30era eta abuztuaren 2tik 6ra. Imozko Udaletxean izanen dira tailerrok, Etxalekun, eta 4 eta 10 urte bitarteko haurrei zuzenduta egonen dira.

Goizeko 9:30etatik eguerdiko 14:00ak arte izanen dira jarduerak, horien artean keramika, yoga, mendi irteerak, tinta txinatarra, sukaldaritza, jolasak eta beste hainbat eginen dituzte. Informazio gehiagorako edo tailerretan izena emateko ondoko telefono zenbakietara deitu behar da: 657 31 35 21 edo 948 153 040 (Ainhoa).