Oskozko Bertso Saioa osorik, entzungai

Bertsolaritza bizirik dela ikusi ahal izan genuen Oskotzen apirilaren 18an. Eskualdeko eta inguruko bost bertsolari bildu ziren bertan: Oskozko auzokide berria den Jabi Lezaun iruindarra, Iruñeko Mintxo Astiz, Azpirozko Aitor Irastortza, Goldarazko Endika Legarra eta Oskozko Joana Ziganda.

Eta haiek ikusteko 50 bat herritar, haien artean gazte ugari. Gai jartzaile Alazne Fernandez de Muniain erasoarra izan genuen, eta lan bikaina burutu zuen. Gaien artean landa eremuko ohiturak eta bertara datozen hiritarrak, besteak beste, guztiak Imotzen kokatuak. Pasa den asteburuan Esan Erranen entzuteko aukera izan zen eta orain amezti.eus-en ere bai.