Hamalau emakumezkok eta bi gizonezkok parte hartuko dute saioan. Lau taldetan banatuta (entrenatzailea eta hiru jokalari) kantxan dakitena erakusteko bilduko dira. Tartean izanen da Latasako Andrea Aldaregia.
Andrea Aldaregia, Olatz Ruiz de Larramendi eta Naroa Agirre pilotariekin batera Erlantz Gartziaren esanetara arituko da.
Pilotariek hiru partida jokatuko dituzte, pilota mistoa erabiliz: lehenbizikoa eskuz banaka, binakako bat hamabi tantora eta eskuz banakako beste bat. Emakume pilotariek euren trebezia erakustea da saioaren asmoetako bat.