Pasa den urriaren 28an inauguratu zuten zaharberritutako gaztaina ezkorta. Borobila da eta 3 metroko diametroa du, harrizko horrelako gaztaina ezkorta gehienak bezala, XVIII eta XIX.mende bitartekoa izan daiteke. Gaztainak zuhaitzatik bota ondoren, bertan gordetzen zituzten, besteak beste, txerriek edo basurdeek jan ez ditzatela.
Etxalekutik 30 minutuko bidea egin behar da ikusteko. Orain, gaztaina ezkorta zaharberritu ondoren, Iturraskarrikoek seinaleak ipini behar dituzte bidea jakitera emateko; baita informazio panel bat. Horretarako posteak jartzen hasi dira dagoeneko.
Ondare Kultur Taldeak berreskuratzen duen bigarrena da, eta deialdia luzatzen dute: beste edozein herritan halakorik balego, taldeari jakinaraztea. Gaztaina ezkortaz gain, garbilekuak, teileriak, trikuharriak eta laster lekuak berreskuratu ditu Larraungo talde honek.
*Xehetasun gehiago hurrengo Pulunpen