Datorren astean izanen dira lehenbiziko hitzorduak, 17an Etxalekun eta 18an Urritzan. Lehenengoan feminismoa landa eremura nola ekarri izanen dute eztabaidagai, Equala-ko Irantzu Perez Molerrek lagunduta. Hurrengo egunean, ostegunean indarkeria izanen dute hizpide, pizza tailer baten bidez, 12 eta 18 urte bitarteko neska-mutilekin harremanetaz eta sexualitateaz solastuz.
Urriaren 30ean, berriz, Erasoko Zaparen bordan "Ongi dagoena eta niri ongi datorkidana" hitzaldia izanen da emakumeendako, hau ere Equalak gidatuta.
Azkenik, urriaren 27an izanen dituzte jardunaldi nagusiak, goizez Imozko udaletxean, Etxalekun. Ekitaldi guztiei amaiera polita emateko tailer parte-hartzailea, mahai-ingurua, bermuta, clown eta beste hainbat kontu izanen dira.
Imozko Udalak antolatu ditu jardunaldiok, Nafarroako Gobernuaren eta Equalaren lguntzarekin.