Aizarotz, Basaburua
"Kubako doinuak Euskal Herrian" du izena Danieuris y Daniellis Moya Avila musikari kubatarrak Euskal Herriko hainbat plaza eta terrazatan eskaintzen ari diren kontzertu-birak. D'Capricho bikotearen ikuskizuna euskara hutsean da eta estilo bereizgarria du: Euskal olerkiak –batzuk Joseba Sarrionandiarenak– eta Kubakoak (euskaratuak) eskaintzen dituzte euskal eta karibetar soinuekin, pianoak lagunduta. Aurtengo biran, gainera; abesti batzuetan musika tresna gehiagoz datoz, horretarako propio prestatutako pistetan, dantza egitera gonbidatzen.