Apeztegiberriko Ganbara, Basaburua
"Late night show" edo gaueko elkarrizketa programen eredua hartzen duen zuzeneko ikuskizuna da, euskaraz. Inprobisazioa ardatz hartuta, umorea, elkarrizketak, musika eta beste hainbat osagai izaten ditu. Oskarbi argitaletxearen laguntzarekin, Punpairez Antonio Iriarte, Maria Blanco eta Xabin Fernandez umoregileek sortu zuten. Hiruko taldeari June Gabarain batu zaie, Antonio Iriarte bezala, Skabideaneko musikaria; Saio bakoitzean, gainera, gonbidatuak eta elkarrizketak izaten dituzte, eta baita haiek sortutako pertsonaiak ere.