Pertseidak ozar-izarrak dira, 109P/SWIFT-Tuttle kometak utzitako hauts-partikulak, hain zuzen. Hautsez, harriz eta izotz zatiz osatuak daude eta kometa eguzkitara hurbiltzen denean askatu egiten dira, beroaren ondorioz izotza urtu, eta partikulak abiadura handian sartzen dira atmosferara, izar iheskorrak sortuz. Perseus konstelazioaren parean ikusten dira, Kasiopearen alboan, horregatik deitzen dira pertseidak. 50 kilometro segundoko abiadura gainditu dezakete.
Euskal Herrian izar uxo ere esaten zaie, eta, zenbait tokitan Done Laurendiren malkoak, abuztuaren 10ean ospatzen delako santu hori eta data horren inguruak ikusi ohi dira.
Hain zuzen ere, Ipar Hemisferioan abuztuaren 8tik 14ra bitartean gehiago ikusten dira, bereziki, abuztuaren 12an. Orduan, 100 meteoro izaten direlako. Aurten, ordea, egun hodeitsuak izan dira abuztuaren 12a eta 13a; eta, horregatik, abuztuaren 18ra eta 19ra atzeratu dituzte ekimenak.
Esan bezala, argiteria publikoa itzaliko dituzte Aizarozko, Gartzarongo, Igoako eta Itsasoko kontzejuek, abuztuaren 18an eta 19an, astelehenarekin eta asteartearekin. Beramendin, gainera, ekimen berezia antolatu dute Nafarroako Astronomia Elkartearen eskutik. Teleskopioaren bitartez zeruaren behaketa egiteko aukera izanen da eta azalpen interesgarriekin, gainera.
