Nafarroako Bertsolari Txapelketako aurrekanporaketa, ostiralean, Jauntsaratsen

Amezti.eus 2025ko mai. 27a, 11:00
Deskargatu Info Ahotsak :

Nafarroako Bertsolari Txapelketako aurrekanporaketen fasea abian da honezkero. Aurreko asteburuan izan zen lehen saioa, eta ostiral honetan, bigarrena izanen da Jauntsaratsen, Apeztegiberriko ganbaran. Arratsaldeko 18:30etik aurrera izanen da aurrekanporaketa fase hori. Endika Legarra imoztarra bertan izanen da, eta xehetasunak eman dizkigu gaurko irratsaioan.

Hauek izanen dira Jauntsarasko aurrekanporaketan kantatuko duten bertsolariak: 

Amaia Elizagoien Varela
Bittori Elizalde Soto
Endika Legarra Nuin
Fernando Ziganda Urdanpileta
Kattin Madariaga Apaolaza
Mintxo Astiz Goñi

Gai-jartzaile lanetan, berriz, Ander Arriola ariko da. Aurrekanporaketetako sailkapenen ondotik, urriaren 4an hasiko da txapelketa, eta azaroaren 29an bukatuko da.

Kultura Basaburua