Gaztainaren Feria eginen dute Jauntsaratsen azaroaren 1ean eta 2an. Gaztainaren eta gaztainondoen kultura sustatzea du helburu ekimenak, eta Mendialdeko Azoka Ibiltariarekin koinzidituko du.
Azaroak 2, larunbata
16:30ean hitzaldia eta esperientzien mahaia, Apeztegiberriko ganbaran. Euskal Herrian gaztainondoaren kulturak izandako garrantziaz arituko dira Aintzane Kortajarena eta Akaitz Sarasola.
Mikel Diaz Nafarroako Gobernuko teknikariak azken urteotan bertako barietateen inguruan egindako lanketa azalduko du.
Gilles Texier urepeldarrak gaztainak balioan jartzeko iparraldeko esperientziak kontatuko ditu.
Isidro Alvarez Diez, berriz, Leongo El Bierzoko gaztainekin egindako produktuen komertzializazioaz ariko da
Azaroak 3, igandea. Mendialdeko Azoka Ibiltaria
Goizeko 10:30etik 14:30era, Mendialdeko Azoka Ibiltaria ospatuko da Jauntsarasten, eta bertan, gaztainarekin lotutako hainbat ekimen eginen dira. Gaztainez egindako produktuen hainbat postu izanen dira, baita gaztain kulturaren inguruko eta bertako gaztain barietateei buruzko erakusketa ere. Saskigintza tailerra, gaztainondo zaharran taila erakusketa, gaztainez egindako errezetak probatzeko aukera, gaztain landareen salmenta... eta, gaztain jate herrikoia ere eginen dira.