Gizonezko bat hil da Igoan, kea arnastuta

Ostegunean gertatu zen ezbeharra. 83 urteko Igoako (Basaburua) gizonezkoa ohean aurkitu zuten, hilik, dirudienez, kea arnasteagatik.

Su-ontzia gelara eramana zuen gizonezkoak, eta su hartu zion gelako objekturen batek. Anaiak hura itzaltzea lortu bazuen ere, ordurako hilik zen gizonezkoa ohatzean, zantzu guztien arabera, kea arnasteagatik.