Elkarrizketa

Osasungintzako lehen arretaren defentsan mobilizazioak, asteazkenero

Nafarroako Osasunaren aldeko Plataformak deituta, asteazkenero mobilizazioak egiten ari dira herri eta auzo ugaritan, tartean Jauntsaratsen. Osasun Etxeetako lehen arreta zerbitzuan azken urteotan hartu diren neurri murriztaileak salatzeko eta kalitatezko eskaintza baten alde egiteko biltzen dira. David Mendaza plataformako kidea elkarrizketatu dugu gaurko saioan.

Urrian hasi ziren asteazkeneroko mobilizazioekin, eta azarotik martxora bitartean geldialdia izan badute ere, martxoan berriz ere elkarretaratzeak egiten hasi dira, Osasun Kontseilaritzatik haien eskaerei erantzunik ematen ez dietelako. Pandemia baino lehenagotik Osasungintzako lehen arreta zerbitzua egoera kaxkarrean bazegoen, Covid-19aren krisiak lehenagoko gabeziak indartu besterik ez dituela egin salatzen dute plataformako kideek. Gure eskualdean, asteazkenero, goizeko 11:00etan Jauntsarasko Osasun Etxe parean deitu dituzte elkarretaratzeak.

Informazio eta xehetasun guztiak plataformaren webgunean aurki daitezke: http://nafarroakosasunplataforma.blogspot.com/