2018ko kontuak onartu ditu hasiera batez Basaburuko udalbatzak

Maiatzaren 24an egin zuten Basaburuko Udalean 2018 urteko kontuak onartzeko ezohiko batzarra. Kontuen txostena udaleko bulegoetan egonen da hurrengo hamabost egunetan herritarrek, nahi izatekotan, helegiteak egin ditzaten.

Urterako aurrikusita zituztenak baino diru sarrera eta gastu txikiagoak izan dituzte azkenean: 1.191.532 euroko sarrerak eta 1.190.958 euroko gastuak espero bazituzten, behin kontuak eginda emaitzak bestelakoak izan dira: 802.030 euroko sarrerak eta 782.904ko gastuak izan dituzte. Onartutako kontuen inguruko informazio eta xehetasun guztiak Basaburuako Udalaren webgunean aurki daitezke.