Ostiralean hasiko da Euskal Herriko mus txapelketa eskualdean

Ostirala eta larunbatean izanen dira eskualdeko lehenengo jardunaldiak. Aurrerago beste batzuk ere etorriko dira.

Iraizotzen hasiko da Euskal Herriko Mus Txapelketa eskualdean. Ostiralean gaueko 22:00etan hasiko da herriko ostatuan.

Larunbatean, berriz, bi herritan izanen ditugu jardunaldiak, Igoan eta Gartzaronen. Igoako ostatuan 16:30ean hasiko dira partidak, eta Gartzarongo Toki Alai elkartean 17:00etan.

Asteburu hau igarota, hurrengorako jardunaldi bat zehaztuta dago jada. Jauntsarasko Apezteguberrin hilaren 26an izanen da, larunbatarekin, arratsaldeko 16:00etan hasita.

Jardunaldi guztietan izena eman dezakezue oraindik, ostatuetan bertan.