Igandeko ekaitzak argi gabe utzi zuen Arraitz

Igande arratsaldean izandako ekaitz handiak, haizea eta tximistak eragin zituen, eta Ultzamako zenbait herri argirik gabe utzi zituen. Horretaz gain, ez zuen gainontzeko bailaretan, dakigunez, kalterik eragin, baina Orokietako Ostatutik bidali diguten argazkian ikusten den bezala, irudi ikusgarriak utzi zituen.

Auza eta Arraitz, esate baterako, argirik gabe egon ziren. Denbora laburrez izan zen Auzan, baina Arraitzen, esan digutenez, ordu erdi bat gutxienez ilunpean eman zuten.

Horretaz gain ez ditu kalterik sortu, dakigunez, ekaitzak. Egunkariren batean irakurri ahal izan dugu zuhaitzak bota zituela, baina ez digu inork halakorik konfirmatu.

Kalte handirik ez zuen eragin, ustez, baina Orokietan, ostatukoek utzi diguten argazki honetan, harrigarria izan zen denbora gutxian bota zuen ur kopurua, eta ekaitzaren indarra.