amezti.eus

Indarkeria matxistaren datuak zenbaki hutsak ez direla, aurtengo “Azaroaren 25”eko mezua

  Gizartea  Basaburua
Indarkeria matxistaren datuak zenbaki hutsak ez direla, aurtengo “Azaroaren 25”eko mezua

“Ez dira zenbaki hutsak, gure bizitzak dira” lelopean aldarrikatu dute aurten “Azaoraen 25a”, Indarkeria Matxistaren Aurkako Nazioarteko Eguna. A25 Basaburuko Plataformak gogorarazi duenez, 99 emakume erail dituzte azken 15 urteetan. 11 adin txikiko ere hil dituzte, gainera.

Aldi berean, zenbakien atzean emakume eta umeen bizitzak daudela gogorarazteko ‘Performance’ edo protesta antzeztu bat egin zuten azaroaren 23an, Aizarozko kultur etxe parean. Indarkeria matxistari aurre egiteko autodefentsa feminista aldarrikatu zuten han bildu zirenek.

Bai Ultzama aldeko Gizarte Zerbitzuen Mankomunitateko Berdintasun Porgramak, bai Basaburuko Bilgune Feministak ere, azaro osoan antolatu dituzte ekintzak. Gizarte neoliberalean izaten diren maitasun inguruko harremanen inguruko hitzaldia, gazte topaketak, zine forumak, ipuin kontalariak, erakusketak, eta abar.

Azaroaren 25ean bertan, Basaburuan, tipi taupa feminista antolatu dute. Ibilaldi txiki bat, soinean indarkeria matxistaren aurkako eskua eramanez. Apeztegiberritik, Jauntsarastik atera dira goizeko 9:30ean, eta ibilaldi zirkularra egin ondoren, bertara itzuli dira 11:30ean, ondoren Iruñeko manifestaldira joateko. 12:00etan hasi da Gaztelu Plazatik.

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa