Gora euskal herrientsak komikia argitaratu berri du Asisko Urmeneta marrazkilariak. Maistra lanetan aritu ziren Euskal Herriko emakume desberdinak lehen lerrora ekarri nahi izan ditu saiakera grafikoko lan honetan. Ostiral honetan, Eritzegoitiko Kultur Eskolan izanen da Urmeneta lana aurkezten, 19:00etan, eta elkarrizketa egiteko aprobetxatu dugu.
Duela mende inguruko maistren mugimenduak kulturan eta hizkuntzan izan zuen garrantzia azpimarratu du marrazkilariak, eta horrelako historiak bazterrean eta itzalpean egon ondoren, argitara ekartzea izan da bere asmoa. Emakume Abertzale Batza, Begiraleak elkartea eta Euskal Eskolan parte hartutako emakumeak dira komikian agertzen direnak.