Amaia barrena, las tipex

"Musikari, farandulero eta lagun taldea gara, ongi pasatzeko egiten dugu hau"

Ostiralean Aroztegiko (Atetz) Izarpe Kanpinean Las Tipex taldearen kontzertua izanen da arratsaldeko 19:00etan, eta aukera aprobetxatu dugu taldearen inguruan gehiago jakiteko. Haien hastapenez, ibilbideaz eta gaur egun dituzten erronkez aritu gara Amaia Barrena taldekidearekin.

Taldea 2014an sortu zen, musika eragin desberdineko zortzi emakumeren ekimenez. Bat egiten dute punketik hurbil dagoen proiektu komun batean, eta eszenografia, musika eta interpretazioa nahasten dituzte ikuskizun dibertigarri eta aldarrikatzailean. 2019ko uztailean argitaratu zuten beren lehen albuma, “Hasta los ovarios”.