Tolosan, uztailaren 31n, laugarrena izan zen Xabier Urrutiarekin bikote. Oso denbora gutxian prestatu ziren eta, horregatik, pozik agertu zen emaitzarekin.
Bihar, Azpeitian izanen du banakakoa, arratsaldeko 18etan. 15 lehiakideren kontra lehiatuko da harrian, giza-proban, txingetan, aizkoran eta korrikan.
Kañamares aroztegiarra (Atetz) aizkoran ibili da txikitatik, aita eta osabekin. Orain, 30 urte bete dituela, pentatloian ere hasi da eta, esan bezala, bihar izanen du bigarrena.
Ondoren, osasun egoerak aukera ematen badu, aizkolarien Nafarroako Txapelketa etorriko da, urria eta azaro bitartean.
